श्री भगवती क्लब बिजयी

खेलपेपर, काठमाडौं।
१ फाल्गुन २०७५

सहिद स्मारक ‘बी’ डिभिजन लिग अन्तर्गत बुधवार भएको पहिलो खेलमा श्री भगवती क्लबले खुमलटारमाथि पहिलो जित निकालेको छ।

दोस्रो खेलमा भने सातदोबाटो युथ क्लब र बोइज युनिओनले बराबरी खेलेका छन।

सत्दोबाटो स्थित एन्फा कोम्प्लेक्समा भएको पहिलो खेलमा श्री भगवती क्लबले खुमलटार युथ क्लबलाई ५-० को गोलअन्तरले पराजित गरेको हो।

पहिलो हाफको ४४ मिनेटमा खुमलटारका रक्षक सन्जोक चाम्लिङले आफ्नै पोष्टमा गोल गर्न पुगे । फ्रिकिक रोक्ने क्रममा उनले आफ्नै पोष्टमा बल छिराएका थिए ।

४९ मिनेटमा दर्शन गुरुङले गोल गर्दै टोलीको अग्रता दोब्बर बनाए । ५७ मिनेटमा फ्रिकिक मार्फत राना मगरले तेस्रो गोल गरे । खेलको ७५ मिनेटमा अन्जेस लामाले चौथो गोल थपे ।

खेलको ८३ मिनेटमा कार्लोस बखरीयाले किपर बिट भएकै अवस्थामा गोल गर्दै टिमलाई फराकिलो जित दिलाए । यसअघि भएको पहिलो खेलमा दुबै टिम पराजित भएका थिए ।

दोस्रो खेलमा भने सातदोबाटोका बिरेन्द्र लिम्बुले २३ औ मिनटमा गोल गर्दै अग्रता दिलाये पनि दोस्रो हाफको ५४ औ मिनटमा बोइज युनिओनका सुसन लामाले गोल फर्कौदै बराबरी गरे।

Leave a Reply

Your email address will not be published. Required fields are marked *